Stilistlər Lora Lonqmayr, Co Heys və Sintiya Kennedi isti havada geyinmək üçün ən yaxşı geyim və ayaqqabıları açıqlayıblar.
Lent.az bu stilləri təqdim edir:
Mütəxəssislər geniş kətan şalvarları, qolsuz trapeziya formasında paltarları və maksi uzunluqda ətəkləri ən uyğun seçimlərdən hesab ediblər. Siyahıya həmçinin kapri şalvarlar və platforma və ya dabanlı espadrillər də daxildir. Heys qeyd edib ki, espadrillər yay obrazının ayrılmaz hissəsidir:
“Bu, klassik üslubdur, hər zaman zərif və qadınsayağı görünür”, — deyə o vurğulayıb və espadrilləri kapri şalvar, şort və ya ətəklə kombin etməyi məsləhət görüb.
Bundan əlavə, ekspertlər tək rəngli, mayka və geniş şalvardan ibarət kostyumları, poplin köynəkləri və uzun pambıq paltarları da tövsiyə ediblər. Onların fikrincə, bu geyimlər universal xarakter daşıyır və istənilən məqam üçün uyğundur. Siyahının sonunda bədənə oturan mayka-paltar və günəşdən qoruyucu effektli şalvarlar yer alır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
