Çin Yaponiya ilə bütün səviyyələrdə əlaqələri dayandırdı

Lent.az-ın “Rosbalt” agentliyinə istinadən verdiyi məlumata görə, bununla bağlı Çin Xarici İşlər Nazirliyinin bəyanatı yayılıb. Rəsmi Pekin Yaponiya ilə daş kömürü ilə bağlı məsləhətləşmələri də dayandırıb. Bundan əvvəl Çin Yaponiya ilə hava əlaqələrini dondurmuşdu.

Çin Yaponiyadan təcili olaraq sentyabrın 13-də saxladığı və sonradan buraxdığı balıqçı gəmisinin kapitanını təcili azad etməyi tələb edir. Yaponiya çinli gəmi kapitanını Şərqi-Çin dənizindəki mübahisəli adalar ətrafında yapon hərbi patrul gəmisi ilə toqquşmağa cəhd göstərməkdə günahlandırır.

Çin Xarici İşlər Nazirliyinin bəyanatında qeyd olunur ki, gəmi kapitanı heç bir şərt olmadan azad etməlim və baş verənlərə görə məsuliyyəti öz üzərinə götürməlidir. Çin Xarici İşlər Nazirliyinin bəyanatında müharibə hədəsi də yer alıb: “Əks halda, Yaponiya baş verəcək olaylara görə məsuliyyət daşıyacaq”.

Qeyd edək ki, Yaponiya Çinin Şərqi-Çin dənizindəki mübahisəli “Çunsyao” qaz yatağında birtərəfli qazıntı işlərinə başlamaqda günahlandırır. Sentyabrın 13-də baş verən olaydan sonra Pekin və Tokio arasında qaz yatağı ilə bağlı danışıqlar dayandırılıb.