Dünyaca məşhur britaniyalı rəssam Jozef Mallord Uilyam Törnerin ilk dəfə sərgilənmiş yağlı boya tablosu “The Rising Squall” 150 ildən sonra tapılıb və hərraca çıxarılacaq.
Lent.az "BBC"yə istinadla xəbər verir ki, tabloda Bristol şəhərindəki keçmiş isti su bulağı və kurort məkanının dramatik mənzərəsi, Avon çayının şərq sahilindən baxış bucağı ilə təsvir olunub. Bu mənzərə Klifton asma körpüsünün inşasından əvvəlki dövrə aiddir. Əsər illər ərzində dünyanın müxtəlif yerlərində sərgilənib və yenidən Birləşmiş Krallığa qayıdıb, lakin bir əsrdən çox müddətdə Törnerin əsəri kimi tanınmayıb. Yalnız ötən il təmizləmə işləri zamanı müəllifin imzası üzə çıxıb.
Əsər 28 iyun - 1 iyul tarixlərində Londonda yerləşən “Sotheby’s” hərrac evində ictimai sərgidə nümayiş etdiriləcək və daha sonra təxminən 300 min funt sterlinq dəyərində hərraca çıxarılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
