Xaçmazda su kanalından kişi meyiti tapılıb

Xaçmaz rayonunun Ukuroba kəndi ərazisində su kanalında kişi meyiti tapılıb. APA-nın şimal bürosunun verdiyi məlumata görə, cəsəd, 10 gün öncə itkin düşmüş Xaçmaz rayon sakini 64 yaşlı Qurban Pulatovdur.

Xaçmaz Rayon Polis Şöbəsindən verilən məlumata görə, Qurban Pulatov noyabrın 19-da itkin düşüb. Ölümündən öncə məhrumun müxtəlif yerlərdə fəhlə kimi çalışdığı bildirilir.
Faktla bağlı araşdırma aparılır.