Bakıda biznesmen qadınlar polisə üz tutdu

Bölmədən Lent.az-a verilən məlumata görə, Quliyeva Sevinc Hasil qızı, Dadaşova Suğra Ənvər qızı və Qasımova Elyanora Sayfodina müraciətlərində bildiriblər ki, Əliyeva Raziyə adlı şəxs onların külli miqdarda pulunu mənimsəyib. Onlar qeyd ediblər ki, R.Əliyeva Sevinc Quliyevadan 2000 manat, S.Dadaşovadan 27890 manat, Arzu Balcanovadan 17320 manat, Elyanora Qasımovadan isə 11000 manat pul alıb. Lakin R.Əliyeva pulu mənimsəyib və geri qaytarmaqdan imtina edib.

Məlumata görə, müraciət edən qadınlar ticarətlə məşğul olurlar. Onlar R.Əliyevaya pulu xaricdən mal gətirməsi üçün veriblər.

Hazırda müraciət üzrə araşdırmalar aparılır.

Nizam RZA