7 tank əleyhinə mina zərərsizləşdirilib

Azərbaycanda Ərazilərin Minadan təmizlənməsi üzrə Milli Agentlik tərəfindən noyabr ayında 3,713,025 kvadrat metr ərazi yoxlanılmış, mina və partlamamış hərbi sursatdan (PHS) təmizlənib. Nəticədə 793 PHS və 7 ədəd tank əleyhinə mina aşkar edilərək zərərsizləşdirilib.

Agentliyin mətbuat xidmətindən Lent.az-a verilən məlumata görə, əməliyyatlarda 484 nəfər minaaxtaran mütəxəssis və 118 nəfər yardımçı heyət iştirak edir. Həmçinin əməliyyatlarda 6 mexaniki mina təmizləmə maşını və 36 minaaxtaran it iştirak edir.

İndiyədək cəmi 210,907,955 kvadrat metr ərazi təmizlənmişdir. Tapılıb zərərsizləşdirilmiş mina və PHS-lərin sayı 675,552 -dir.

Agentlik tərəfindən təmizləmə əməliyyatları Ağdam, Ağstafa, Füzuli, Gədəbəy, Göygöl, Goranboy, Tərtər və Abşeron rayonu Kirdağ Palçıq Vulkanları ərazisində, eyni zamanda Bakı şəhəri, Qaradağ rayonu Güzdək qəsəbəsində davam etdirilir.

Bu ilin noyabr ayı ərzində 4 mina/PHS hadisəsi qeydə alınıb.