Rusiya metro terrorunda Türkiyəni suçladı

“Kommersant”: Partlayışı törədən qadın kamikazeler Türkiyədə təlim keçiblər

Rusiyanın paytaxtı Moskva şəhərində qadın kamikazelərin törətdiyi terror hadisəsilə bağlı maraqlı bir xəbər yayılıb.

Lent.az-ın məlumatına görə, bu ölkədə çap olunan məşhur “Kommersant” qəzeti qadın kamikazelərin Türkiyədə təlim gördüyünü yazıb. Qəzet martın əvvəlində İnquşetiyada rus əsgərlərinin öldürdüyü “Buryatiyalı Səid” ləqəbli Aleksandr Tixomirovun ifadələrinə əsaslanaraq, bu iddianı irəli sürüb. Belə ki, Tixomirov sağlığında 30-dan çox çeçen və rus qadının kamikaze olmaları üçün Türkiyədəki mədrəsələrdən birinə göndərildiyini bildirib.

Rus rəsmiləri isə bu qadınlardan indiyədək 9-un hadisə törədərək özlərinin də öldüyünü açıqlayıb.

Xatırladaq ki, martın 28-də baş vermiş partlayışlar nəticəsində 39 nəfər ölüb, 70-dən çox adam yaralanıb. Hadisədən sonra Rusiya ərazisində matəm elan olunub.