Kürdəmir sakini Bakıda maşını aşırdı: 1 ölü, 1 yaralı

Lent.az-ın Daxili İşlər Nazirliyinin saytına istinadən verdiyi məlumata görə, saat 22.30 radələrində Qaradağ rayonunun Sahil qəsəbəsi ərazisində Kürdəmir rayon sakini Roman Bünyatov idarə etdiyi "Mercedes" markalı avtomaşını aşırıb.

Nəticədə R.Bünyatov hadisə yerində ölüb. Onun sərnişini, Bakı şəhər sakini İbrahim Cəbrayılova isə xəstəxanaya aparılıb.

Faktla bağlı DİN BDYPİ tərəfindən araşdırma aparılır.