Moskvada azərbaycanlı biznesmen güllələnib

Lent.az-ın “RİA Novosti” agentliyinə istinadən verdiyi məlumata görə, bunlar 1966-cı ildə anadan olmuş Kamil Kaştayev və 1967-ci ildə anadan olmuş Əziz İzmayılovdur.

Öldürülən şəxslər bizneslə məşğul olublar. Əziz İzmayılov Azərbaycanda anadan olub, hazırda Dağıstanda qeydiyyatdadır. Kamil Kaştayev isə Moskvada qeydiyyatdadır.

Qeyd edək ki, bundan əvvəl “RİA Novosti” agentliyinə hüquq-mühafizə orqanlarındakı mənbə bildirib ki, güllələnən şəxslərdən biri xarici ölkə vətəndaşıdır, üzərində Azərbaycan pasportu çıxıb.

Qeyd edək ki, bu iki nəfər noyabrın 22-də Parkovoy küçəsində “Mazda” markalı avtomobildə güllələniblər. Onların avtomobilini ötən, daha sonra da yolu bağlayan, üzərində dövlət nömrə nişanı olmayan “Audi” markalı avtomobildən silahlılar çıxıb və Mazda avtomobilində olan şəxslərə avtomatdan atəş açıblar. Silahlılar hadisə yerindən uzaqlaşıblar. Kamil Kaştayev v Əziz İzmayılov hadisə yerində keçiniblər.

Cinayət işi açılıb, silahlılar axtarılır.