“Azal” zəvvarların meyitlərini gətirmək üçün xüsusi təyyarə göndərdi

Bu barədə APA-ya “Azərbaycan Hava Yolları” QSC-nin (“Azal”) xidmət rəisi Məhərrəm Səfərli məlumat verib.

Onun sözlərinə görə, bununla bağlı “Azal”a müraciət olunub və QSC-nin prezidenti Cahangir Əsgərov meyitlərin gətirilməsi üçün Sivasa xüsusi təyyarə yola salınması barədə göstəriş verib. URN 4151 nömrəli “Turan AİR” şirkətinə məxsus “Tu 154” sərnişin təyyarəsi Bakıdan saat 19.30-da yola düşüb. Bakı-Sivas-Bakı reysi üzrə hərəkət edəcək təyyarə Sivasa 1 saat yarımdan sonra çatacaq.