Avtobusla minik maşını toqquşdu: 2 ölü

Bu gün səhər saatlarında Neftçala rayonunda ağır yol qəzası baş verib. Rayon Polis Şöbəsindən Lent.az-a verilən məlumata görə, Salyan-Neftçala avtomobil yolunun 36-cı kilometrliyində “PAZ” markalı avtobus və “Mercedes” markalı avtomobil toqquşub.

Qəza nəticəsində 1971-ci il təvəllüdlü Şahmar Tapdıq oğlu Piriyev və 1982-ci il təvəllüdlü Dinar Adil oğlu Eyvazov hadisə yerindəcə ölüb. Daha iki nəfər isə ağır vəziyyətdə xəstəxanaya aparılıb.

Araşdırma başlanılıb.

Nizam Rza