Lənkəranda qanunsuz dini təriqətini təbliğ edən kitablar aşkarlanıb

APA-nın Daxili İşlər Nazirliyinin (DİN) internet saytına istinadən verdiyi məlumata görə, aprelin 29-da Lənkəran Şəhər Rayon Polis Şöbəsi, Milli Təhlükəsizlik Nazirliyinin Lənkəran rayon şöbəsi və Dini Qurumlarla İşlər Üzrə Dövlət Komitəsinin Cənub Bölgəsi əməkdaşlarının birgə tədbirlər keçiriblər. Bu zaman Lənkəran şəhər sakini Gülnaz Nəsirovanın müvafiq icazəsi olmadan "Yəhova şahidləri" dini təriqətini təbliğ etməsi müəyyən edilib və evinə baxış zamanı oradan 19 ədəd təbliği və yayımı qanunla qadağan edilmiş dini kitablar aşkar edilərək götürülüb. Faktla bağlı araşdırmalar aparılır.