Mingəçevirdə avtoyuma sexində faciə

İyulun 4-də Mingəçevir şəhəri ərazisindəki avtoyuma sexində şəhər sakini Rəşid Abdullayev “Hyundai-Sonata” markalı avtomaşını yumaq üçün estakadaya qaldırarkən ehtiyatsızlığı nəticəsində orada işləyən Zamir Şərifovu vurub.

Daxili İşlər Nazirliyinin mətbuat xidmətindən Lent.az-a verilən məlumata görə, Zamir Şərifov hadisə yerində ölüb.

Mingəçevir Şəhər Polis Şöbəsi tərəfindən araşdırma aparılır.