İraqda iki partlayış: 20 ölü

İraqın paytaxtı Bağdadda növbəti dəfə partlayışlar olub. Lent.az-ın Türkiyənin “Sabah” qəzetinə istinadən verdiyi məlumata görə, içində bomba olan 2 avtomobillə təşkil edilən hücumlarda 20 nəfər ölüb.

Terror aktı nəticəsində 50-dən çox insanın da yaralandığı bildirilir. İlk artlayış Kerradə istiqamətində insanların sıx hərəkət etdiyi ərazidəki restoranın yanında həyata keçirilib.

Digər partlayış isə pasport-qeydiyyat idarəsinin qarşısında baş verib. Hüquq-mühafizə orqanları üçüncü partlayışın qarşısını ala biliblər.