Beyləqanda qətl törədilən ərazidə polisə mane olan şəxs cərimələnib.
Lent.az xəbər verir ki, hadisə şəhərin Mikayıl Müşfiq küçəsində qeydə alınıb.
Ərazidə baş verən qətl hadisəsi ilə əlaqədar polis və prokurorluq əməkdaşları cinayət yerinə gələrək, istintaq hərəkətləri aparıblar. Onlar qətlə yetirilən şəxsin meyitini hadisə yerindən çıxararkən rayon sakini olan 29 yaşlı Faiq Məmmədov (ad və soyad şərtidir) “Mercedes” markalı avtomobilini yaxınlıqda saxlayıb. Nəticədə o, hüquq-mühafizə orqanı əməkdaşlarının fəaliyyətinə maneçilik törədib. Polislər ona avtomobili ərazidən çıxarmağı bildirsələr də, qanuni tələbə məhəl qoymayıb.
Buna görə də o saxlanılaraq, Beyləqan rayon Polis Şöbəsinə aparılıb. Burada onun barəsində İnzibati Xətalar Məcəlləsinin iki maddəsilə protokol tərtib olunub.
Beyləqan rayon Məhkəməsinin qərarı ilə Faiq Məmmədova 150 manat məbləğində cərimə cəzası verilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
