Zabratda ağır qəzada yaralanan iki bacının vəziyyəti ağırdır.
Lent.az xəbər verir ki, qəza nəticəsində "VAZ-2107" markalı avtomobilin sürücüsü 22 yaşlı Ələsgərov Ələsgər Elxan oğlu hadisə yerində ölüb. Ümumilikdə 5 nəfər - Xaçmaz rayon sakinləri olan 22 yaşlı Sevinc Şükür qızı Rəsulova, onun 19 yaşlı bacısı Nəzrin, digər "Toyota Prado" markalı avtomobilin sürücüsü 23 yaşlı Mirəli Abbasov, onun sərnişinləri 49 yaşlı Rahib Adil oğlu Adilov və 38 yaşlı Elnur Əfqan oğlu Cabbarov xəsarət alaraq xəstəxanaya yerləşdiriliblər. Rahib Adilov və Elnur Cabbarov ilkin yardım göstərildikdən sonra evə buraxılıblar. Bacıların vəziyyəti isə orta ağırdır.
Faktla bağlı araşdırma aparılır.
***
10:00
Bakıda ölümlə nəticələnən ağır qəza olub.
Lent.az-ın məlumatına görə, hadisə bu gecə saat 4:30-da Sabunçu rayonu Zabrat qəsəbəsində baş verib.
Şəmkir rayon sakini 23 yaşlı Abbasov Mirəli Yolçu oğlu idarə etdiyi “Toyota Prado” markalı avtomobillə işıqforun yaşıl işığından keçib sola doğru manevr edib Kürdəxanı qəsəbəsi istiqamətində hərəkət edərkən 22 yaşlı Ələsgərov Ələsgər Elxan oğlu idarə etdiyi “VAZ-2107” markalı avtomobillə toqquşub. Nəticədə Ələsgər Ələsgərov hadisə yerində ölüb. Onun sərnişinləri, 22 yaşlı Rəsulova Sevinc Şükür qızı və onun 19 yaşlı bacısı Nəzrin, eləcə də digər sürücü M.Abbasov müxtəlif dərəcəli bədən xəsarətləri alıblar.
Faktla bağlı cinayət işi açılıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
