İdman ustası rəfiqəsini və azyaşlı qızını AMANSIZCASINA ÖLDÜRDÜ

Rusiyanın Saratov Vilayət Məhkəməsi rəfiqəsini və dörd yaşlı qızını öldürən bədən tərbiyəsi müəllimi Yelena Şerenkonun işi üzrə hökm çıxarıb.

Lent.az Rusiya KİV-ə istinadən xəbər verir ki, qadın 23 il müddətinə azadlıqdan məhrum edilib.

Ana və qızın cəsədləri ötən ilin noyabrında Çernışevski küçəsindəki mənzildə tapılıb. İstintaqın məlumatına görə, 53 yaşlı Şerenko 38 yaşlı rəfiqəsinin yanına gəlib və mübahisə zamanı ev sahibəsini və qızını bıçaqlayaraq öldürüb.

Bundan sonra Yelena mənzildən qızıl-zinət əşyaları və bank kartını oğurlayıb. Məlum olub ki, kartdan 70 min rubl çıxarıb.

İstintaq zamanı qadın günahını tam etiraf edib və əməlindən peşman olduğunu bildirib.

İstintaqın məlumatına görə, o, cinayəti törədən zaman sərxoş olub.

Qeyd edək ki, Elena Şerenko liseydə bədən tərbiyəsi müəllimi və qol güləşi üzrə məşqçi kimi çalışıb, gimnastika üzrə idman ustasıdır. O, 1999-2013-cü illərdə Saratov Dövlət Texniki Universitetində tədris işləri üzrə dekan müavini vəzifəsində çalışıb.