Rusiyada aktrisa və qızı yol qəzasında ölüb.
Lent.az yerli mediaya istinadla bildirir ki, hadisə Mordoviya Respublikasının Zubovo-Polyanski rayonunda baş verib.
“Sklifosovski” serialı ilə tanınan məşhur aktrisa Ekaterina Vedunova və onun 15 yaşlı qızı Elina qəza nəticəsində həlak olublar.
Respublika Dövlət Yol Polisi İdarəsinin məlumatına görə, 45 yaşlı aktrisa hadisə yerindəcə həyatını itirib, qızı isə xəstəxanaya çatdırıldıqdan sonra dünyasını dəyişib.
Müvafiq qurumun məlumatına görə, “Renault” markalı avtomobilin sürücüsü və həmin maşında olan 70 yaşlı sərnişin müxtəlif xəsarətlərlə tibb müəssisəsinə çatdırılıblar.
1980-ci ildə anadan olan Yekaterina Vedunova Balakovo Dram Teatrının aktrisası olub və eyni zamanda televiziya layihələrində də tez-tez çəkilib. Tamaşaçılar onu “Sklifosovski”, “Çernobıl”, “Univer”, “SaşaTanya” və “Godunov” kimi layihələrdə görə biliblər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
