Nohurgöldə batan şəxsin meyiti sudan çıxarıldı - YENİLƏNİB

Qəbələdə göldə batan şəxsin meyiti tapılıb.

Lent.az bu barədə FHN-ə istinadla xəbər verir.

Nazirlikdən bildirilib ki, Qəbələ rayonu, Nohurqışlaq kəndi ərazisində Nohur gölündə batan 40 yaşlı Qəribov İlham İslam oğlunun meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən suda tapılıb çıxarılaraq aidiyyəti üzrə təhvil verilib.

***
23 yanvar, saat: 17:32

Nohurgöldə batdığı deyilən şəxsin kimliyi məlum olub.

Lent.az xəbər verir ki, o, Bakı şəhər sakini 40 yaşlı Qəribov İlham İslam oğludur.

Hazırda göldə axtarış işləri davam etdirilir.

***
17:01

Qəbələnin Nohurqışlaq kəndi ərazisindəki göldə batan şəxsin bəzi əşyaları tapılıb.

Lent.az xəbər verir ki, Nohurgöldə batdığı iddia olunan şəxsin çantası göl kənarında aşkar edilib. Çantanın içərisində onun paltarları, şəxsiyyət vəsiqəsi və telefonu olub.

Hazırda FHN-nin xilasediciləri tərəfindən meyitin tapılaraq, çıxarılması istiqamətində tədbirlər görülür.

***
14:31

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Qəbələ rayonu, Nohurqışlaq kəndində göldə 1 nəfərin batması barədə məlumat daxil olub.

Lent.az FHN-ə istinadən xəbər verir ki, məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin və Şimal-qərb Regional Mərkəzinin xilasediciləri axtarışlara cəlb olunublar.

Əlavə məlumat veriləcək.