Sentyabrın 8-də Qaradağ rayonunun Qobustan qəsəbəsində Bakı şəhər sakini Fəxrəddin Məmmədov idarə etdiyi “KamAZ” markalı avtomobillə yolu keçən Abşeron rayon sakini Qəşəm Dünyamalıyevi vurub. Lent.az-ın Daxili İşlər Nazirliyinin saytına istinadən verdiyi məlumata görə, nəticədə piyada hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.
Həmin gün eyni hadisə Abşeron rayonu ərazisində olub. Hafiz Məhərrəmov idarə etdiyi “VAZ-21074” markalı avtomobillə yolu keçən 45-50 yaşlı kişini vurub və nəticədə piyada hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.