Azərbaycanda 10 nəfər zəhərlənib

Dekabrın 20-də ölkə ərazisində dəm qazından və dərmandan zəhərlənmiş 10 nəfər xəstəxanaya yerləşdirilib. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, Sumqayıt şəhər sakini Firuzə Həsənova, Abşeron rayon sakinləri Fərid Orucov, Aynur Cəfərova və qohumu Aybəniz Cəfərova, Nigar Fərhadova, oğlu 6 yaşlı Nahid və qızı 1 yaşlı Tahirə, Qurban Əbdüləzimov və qohumu Araz Əbdüləzimov, Kəpəz rayon sakini Fərhad Nəsirov evlərindən dəm qazı və dərmandan zəhərlənmə ilə xəstəxanalara gətirilib.

Zəhərlənmə hadisələrinin səbəbləri müvafiq orqanlar tərəfindən araşdırılır.