Binə Ticarət Mərkəzində daha bir yanğın

Binə Ticarət Mərkəzində yanğın hadisəsi baş verib. Lent.az-ın Fövqəladə Hallar Nazirliyinin saytına istinadən verdiyi məlumata görə, Qaradağ rayonunda yerləşən “Binə” Ticarət Mərkəzinin ərazisində vətəndaşa məxsus ümumi sahəsi 80 kv.m olan mağazanın dam örtüyünün yanar konstruksiyaları 3 kv.m sahədə yanıb. Mağazanın qalan hissəsi yanğından mühafizə olunub. Yanğın saat 08:58-də yanğınsöndürənlər tərəfindən söndürülüb.

Qeyd edək ki, bu hadisə son günlər Binə Ticarət Mərkəzində qeydə alınmış 3-cü yanğın olayıdır.