Bir ailənin 8 üzvü zəhərləndi

Ucar rayonunun Qazyan kəndində kütləvi zəhərlənmə baş verib.

APA-nın yerli bürosunun xəbərinə görə, kənddən bir ailənin 8 üzvü rayon mərkəzi xəstəxanasına müraciət edib və onlara zəhərlənmə diaqnozu qoyulub.

Məlumata görə, zəhərlənənlər Ələsgər, Teymur, Sərxan, Aygün, Məleykə, Zeynəb, Fuad, Leyla Əliyevalardır. Zəhərlənənlərdən 3-ü azyaşlıdır.

Onların bazardan alınan pomidordan zəhərləndikləri bildirilir.

Həkimlərin bildirdiklərinə görə, xəstələrə ilkin tibbi yardım göstərilib. Onların qidadan zəhərləndikləri məlum olub.

Hazırda xəstəxanada olan şəxslərin vəziyyəti stabildir.

1263