Fövqəladə Hallar Nazirliyi daha bir nəfəri suda boğulmaqdan xilas edib.
Lent.az-ın FHN-nin saytına istinadən xəbərinə görə, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinə Şirvan şəhərində 1 nəfərin çayda çimərkən batmaq təhlükəsi ilə üzləşməsi barədə məlumat daxil olub. Dərhal Xidmətin dalğıc-xilasediciləri hadisə yerinə cəlb olunaraq vətəndaşı sudan çıxararaq aidiyyəti üzrə təhvil verib.