Kürdəmirdə yağışın fəsadları aradan qaldırılır

Fövqəladə Hallar Nazirliyi (FHN) Kürdəmir rayonunda leysan yağışların törətdiyi fəsadlarla bağlı məlumat yayıb. Lent.az-ın nazirliyin saytına istinadən verdiyi məlumata görə, Kürdəmir rayonunun mərkəzində bəzi ərazilər yağış suları ilə dolub. Həmin ərazilərin yağış sularından təmizlənməsi üçün əraziyə nazirliyin müvafiq qüvvələri cəlb edilib. Hazırda Dövlət Yanğından Mühafizə Xidməti və Aran Regional Mərkəzi tərəfindən suçəkmə işləri aparılır.