Xocalı soyqırım Ermənistan səfirliyinin binası qarşısında anılıb

ABŞ-da yaşayan azərbaycanlılar Xocalı soyqırımının ildönümü ilə əlaqədar fevralın 22-də yerli vaxtla saat 12:00-da Ermənistanın bu ölkədəki səfirliyinin qarşısında etiraz aksiyası keçiriblər. APA-nın məlumatına görə, aksiya iştirakçılarının əllərində Azərbaycan bayraqları və Xocalı soyqırımını əks etdirən fotolar olub. Aksiyada “Amerika erməniyə dəstək olma!”, “Xocalı soyqırımdır!”, “Ermənilər uşaq və qadın qatilidir!”, “Ermənilər Qarabağdan çıxsın!” kimi şüarlar səsləndirilib. Piketdə Azərbaycan və Türkiyə media nümayəndələri də iştirak edib.