Olimpiada-2012: Əşrəf Əliyevin ümidi bürünc medala qaldı

Azərbaycan güləşçisi Əşrəf Əliyev 2012-ci il London Yay Olimpiya Oyunlarında qızıl medal şanslarını itirib. Lent.az-ın məlumatına görə, 26 yaşlı idmançı 1/8 finalda rusiyalı Denis Tsarquşa uduzub.

İlk hissədə Əliyev klinç vəziyyətindən 1 xal alsa da, sonrakı hissədə üstünlüyünü qoruya bilməyib. Tsarquş xal alaraq, bərabərlik yaradıb. Əlavə hissədə də rusiyalı pəhləvan daha 1 xal alaraq, qələbəyə nail olub.

İndi Əliyev uduzduğu rəqibinin finaladək yüksəlməsini gözləməlidir. Əks halda, o, bürünc medal şansını da itirəcək.