Azərbaycan millisində oğul atanı əvəzlədi
Paralimpiyaçı cüdoçulardan ibarət Azərbaycan milli komandasının məşqçilər heyətində oğul atanı əvəzləyib. Lent.az-ın məlumatına görə, Əhməddin Rəcəbli baş məşqçinin köməkçisi vəzifəsindən istefa verib.
Onu isə yaxınlarda cüdoçu karyerasını başa vurmuş oğlu Elxan Rəcəbli əvəzləyib. E.Rəcəbli baş məşqçi İbrahim İbrahimova yardımçı olacaq.
Məlumatı Lent.az-a açıqlamasında Ə.Rəcəblinin özü də təsdiqləyib. O, yaşının çoxluğu ilə əlaqədar məşqçi fəaliyyətinə son qoyduğunu bildirib: “Artıq 68 yaşım var. Bu yaşda məşqçi kimi çalışmaq çətindir. Düzdür, yetirməm, ikiqat paralimpiya çempionu İlham Zəkiyevə məşqlərdə kömək edirəm. Amma indi elə yaşdayam ki, məşqçi kimi daim iş başında olmaq mənə çətindir. Ona görə də iki il öncə baş məşqçilikdən istefa verərək, köməkçi-məşqçi kimi çalışmağa başladım. Bu yaxınlarda isə məşqçilikdən də getdim. Əvəzində oğlum Elxan bu vəzifəyə təyin olundu”.
Ə.Rəcəbli oğlunun məşqçi kimi də özünü doğruldacağını bildirib.
Elşən MƏMMƏDOV
Onu isə yaxınlarda cüdoçu karyerasını başa vurmuş oğlu Elxan Rəcəbli əvəzləyib. E.Rəcəbli baş məşqçi İbrahim İbrahimova yardımçı olacaq.
Məlumatı Lent.az-a açıqlamasında Ə.Rəcəblinin özü də təsdiqləyib. O, yaşının çoxluğu ilə əlaqədar məşqçi fəaliyyətinə son qoyduğunu bildirib: “Artıq 68 yaşım var. Bu yaşda məşqçi kimi çalışmaq çətindir. Düzdür, yetirməm, ikiqat paralimpiya çempionu İlham Zəkiyevə məşqlərdə kömək edirəm. Amma indi elə yaşdayam ki, məşqçi kimi daim iş başında olmaq mənə çətindir. Ona görə də iki il öncə baş məşqçilikdən istefa verərək, köməkçi-məşqçi kimi çalışmağa başladım. Bu yaxınlarda isə məşqçilikdən də getdim. Əvəzində oğlum Elxan bu vəzifəyə təyin olundu”.
Ə.Rəcəbli oğlunun məşqçi kimi də özünü doğruldacağını bildirib.
Elşən MƏMMƏDOV
1295