Bilet pullu, avtobus pulsuz

Lent.az-ın məlumatına görə, azarkeşlər metronun Əzizbəyov stansiyasından “Dalğa Arena”ya gedib-gəlmək üçün ayrılan avtobuslardan pulsuz istifadə edə biləcəklər. Həmin gün saat 18:00-dan etibarən hərəkət edəcək avtobuslara minmək üçün oyunun biletini təqdim etmək vacibdir. Sektorlara uyğun olaraq? qiyməti 2, 4, 6 və 10 manat olan biletləri Tofiq Bəhramov adına Respublika stadionunun qarşısı, “Park Bulvar” Ticarət Mərkəzi, “Şüvəlan Park”, “Xəzər Golden Beach” və “Accessbank”ın Mərdəkan filialından almaq olar.

Qeyd edək ki, Azərbaycan – Makedoniya matçı saat 20:00-da başlanacaq.