“Olimpiakos” Avropa kuboklarından kənarlaşdırıldı

Lent.az-ın məlumatına görə, “Olimpiakos” qarşıdakı 3 il müddətində qitə miqyaslı turnirlərdə çıxış edə bilməyəcək. Bundan başqa UEFA 5 il sınaq müddəti də təyin edib. Qərar UEFA Nizam-İntizam Komitəsinin iclasında çıxarılıb. Yunanıstan klubu qərarı aldıqdan sonra 3 gün müddətində apellyasiya verə bilər. Avropa futbol qurumunun rəhbərliyi Avroliqanın “pley-off” mərhələsində “Olimpiakos”u əvəzləyəcək komandanı hələ müəyyənləşdirməyib. Həmin komanda avqustun 18-də və 25-də “Pari Sen-Jermen”lə üz-üzə gəlməlidir.

Qeyd edək ki, “Olimpiakos” Yunanıstan çempionatında danışılmış oyunlarda iştirakına dair şübhələrlə əlaqədar Avropa Liqasından xaric edilib.