Olimpiada-2012:12 dəst medal uğrunda

Lent.az-ın məlumatına görə, Azərbaycan idmançıları iyulun 30-da 3 medal uğrunda mübarizə aparacaqlar.

Cüdoçularımızdan Kifayət Qasımova qadınlar arasında 57 kq, Rüstəm Orucov isə kişilər arasında 73 kq çəki dərəcəsində yarışacaqlar. Eyni zamanda yeganə qadın ağırlıqqaldıranımız Boyanka Kostova “körpücük” üzərinə çıxacaq.

Eyni zamanda boksçularımızdan Elvin Məmişzadə (52 kq) və Vətən Hüseynli (81 kq) ilk döyüşlərinə çıxacaqlar.

11:00. Cüdo. Qadınlar. 57 kq (Kifayət Qasımova)
14:00. Ağırlıqqaldırma. Kişilər. 62 kq
16:15. Atıcılıq. Kişilər. Tapança ilə 10 metr məsafəyə atış
16:30. Ağırlıqqaldırma. Qadınlar. 58 kq (Boyanka Kostova)
19:00. Suyatullanma. Kişilər. Sinxron. 10 metrlik qüllə
20:10. Cüdo. Kişilər. 73 kq (Rüstəm Orucov)
20:30. İdman gimnastikası. Kişilər. Komanda
23:40. Üzgüçülük. Kişilər. Sərbəst üsulla, 200 metr
23:40. Qılıncoynatma. Qadınlar. Şpaqa. Şəxsi birincilik
23:50. Üzgüçülük. Qadınlar. Arxası üstə, 100 metr
24:00. Üzgüçülük. Kişilər. Arxası üstə, 100 metr
00:15. Üzgüçülük. Qadınlar. Brass. 100 metr

Qeyd edək ki, indiyədək mübarizəyə qatılmış Azərbaycan idmançılarından 5-i çıxışlarını tam başa vurub. Ağırlıqqaldıranımız Valentin Xristov (56 kq) bürünc medal qazanıb. Cüdoçularımızdan Tərlan Kərimov (66 kq) 7-ci yeri tutub, İlqar Müşkiyev (60 kq) elə ilk görüşündəcə uduzub. İdman gimnastımız Şakir Şıxəliyev təsnifat mərhələsində 40-cı yeri tutub və finala yüksələ bilməyib. Oksana Hətəmxanova isə 100 metr məsafəyə brass üsulu ilə üzgüçülük yarışında yarımfinala çıxmağı bacarmayıb.