“Liverpul”un sabiq müdafiəçisi, hazırda isə televiziya eksperti kimi çalışan Ceymi Karraher Xabi Alonsonun “Real Madrid”in baş məşqçisi postundan ayrılıma səbəbini açıqlayıb.
Lent.az xəbər verir ki, o, Alonsonun postunu Vinisius Juniorla bağlı vəziyyətə görə itirdiyini bildirib:
“Düzünü desəm, Alonso işini Vinisiusla bağlı vəziyyətə görə itirdi. Baş məşqçi baş verənlərdən narazı idi. Rəhbərliklə söhbətdən sonra klub futbolçunun tərəfini tutdu. Nəticədə Xabi istefaya göndərildi, onun yerini isə Arbeloa tutdu”.
Hazırda Xabi Alonso “Çelsi”yə rəhbərlik edir. 44 yaşlı ispaniyalı mütəxəssis iyul ayında London klubunun baş məşqçisi təyin olunub. Onun “Çelsi” ilə müqaviləsi 2030-cu ilin iyun ayının sonuna qədər nəzərdə tutulub.
“Real Madrid” isə iyun ayında Alvaro Arbeloa ilə müqaviləyə xitam verib. O, iyulun 8-dən İngiltərənin “Fulhem” klubuna rəhbərlik edir. Arbeloanın yeni klubu ilə müqaviləsi 2029-cu ilin yayına qədər qüvvədədir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
