"Sonuncu dəfə nə vaxt ağrısız futbol oynadığımı xatırlamıram" – Qabriel Jezus

"Arsenal"ın hücumçusu Qabriel Jezus Çempionlar Liqasının 1/4 finalında "Bavariya"ya qarşı ilk oyun ərəfəsində etiraf edib ki, dizindəki problemdən son illər xilas ola bilməyib.

“Sonuncu dəfə nə vaxt ağrısız futbol oynadığımı xatırlamıram, ona görə şikayət edə bilmirəm. Mən sadəcə yaxşılaşmağa çalışıram ki, oynamağa hazır olum. Şəxsən mən fiziki formamdan danışmaq istəmirəm”, - Lent.az-ın xarici mediaya istinadən xəbərinə görə, Jezus sözləyib.

Onun sözlərinə görə, dünya çempionatından sonra dizindən zədə alıb və yaxşı bərpa olunub, lakin mövsümöncəsi oyundan sonra residiv olub: “90 dəqiqə ardıcıl üç oyun keçirdim və yenə dizimdə ağrı hiss etdim.

Mən sadəcə hazır olmağa və mümkün qədər tez "Arsenal"a kömək etməyə çalışıram. Təəssüf ki, bəzi problemlərim olub və insanlar bunu həmişə görmürlər. Amma mental olaraq güclü olmağa çalışıram”, - 27 yaşlı braziliyalı deyib.