"Bu qolu Allah yetirdi” - AÇIQLAMA

Millimizin kapitanı Rəşad Sadıqov DÇ-2014-ün seçmə mərhələsinin Rusiya ilə oyunundan sonra fikirlərini açıqlayıb. O, qarşılaşmadan sonra apasport.az saytına müsahibəsində bildirib ki, son dəqiqələrdə vurduqları qolu komandamıza Allah bəxş edib: “Oyunun öncədən çətin keçəcəyini bilirdik. Rusiya yığması bizə öz oyunumuzu göstərməyə iimkan vermirdi. Bu gün Qurban bayramı idi. Allahdan yalvarırdım ki, standart vəziyyətdən qol vuraq. Şükürlər olsun ki, Mahir Şükürovun asmasından sonra Vaqif Cavadov qol vurdu. Bu qolu bizə Allah yetirdi”.