Avropa Liqasınında qrup mərhələsinə qatılan klubların gəlirləri açıqlanıb. Lent.az-ın UEFA-nın saytına istinadən “Qarabağ” klubu teleyayım, kommersiya xarakterli müqavilələrə görə 225 milyon avro qazanacaq.
"Qarabağ" əlavə olaraq turnirin qrup mərhələsində oynayacağı üçün 1,3 milyon avro mükafat veriləcək.
Qrupdakı hər qələbəyə 200 min avro, heç-heçəyə görə isə 100 min avro pul mükafatı ayrılıb.
Avroliqanın 1/16 finalına qrup qalibi kimi çıxan komandaya 400 min avro, ikinci pillənin sahibi kimi çıxana isə 200 min avro mükafat veriləcək. 1/8 finalda oynayan 350 min avro, 1/4 finala yüksələn komanda isə 450 min avro gəlir əldə edəcək. Yarımfinalçı 1 milyon avro, finalçı isə 2,5 milyon avro ilə mükafatlandırılacaq. Avropa Liqasının qalibinə 5 milyon avro mükafat veriləcək.
Bundan başqa "Qarabağ" klubu Çempionlar Liqasının təsnifat mərhələsində iştirakına görə 200 min avro gəlir əldə edib. Üstəlik Ağdam təmsilçisi üçüncü təsnifat mərhələsində mübarizəni dayandırdığı üçün daha 200 min avro qazanıb.
Qeyd edək ki, Çempionlar Liqasının təsnifat mərhələsindəki iştirakına və Avroliqanın qrupuna düşdüyü üçün “Qarabağ” 1,7 milyon avro gəlir əldə edib. “Köhlənən Atlar” Qrup mərhələni keçsə, gəliri daha da artacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
