“Azercell” yeni kampaniyaya başlayır

“Azercell-ə Gəl” adlı kampaniya SimSim abonentlərinə yeni hədiyyələr qazandıracaq

“Azercell”in abonentləri üçün aprel ayından başladığı “İl Boyu Hədiyyə” kampaniyası avqustun 31-də başa çatır. Sabahdan isə “Azercell-ə Gəl” adlı yeni kampaniya başlayacaq. Bu kampaniyanın şərtləri haqqında yaxın günlərdə geniş məlumat veriləcək.

“Azercell”dən Lent.az-a bildiriblər ki, “İl Boyu Hədiyyə” kampaniyasının iştirakçıları şəbəkəyə qoşulan kimi dərhal 1 ay açıq xətt, 1 illik hədiyyə SOCLİR xidməti, 500 hədiyyə kontur alıblar. Bundan əlavə, belə abonentlər şəbəkəyə qoşulduqları gündən başlayaraq 1 ay müddətində balanslarına ən az 2 manat dəyərində danışıq kartı yükləyən kimi 11 ay ərzində hər ay şəbəkədaxili zənglər üçün 300 hədiyyə kontur qazanıblar. Həmçinin, “İl Boyu Hədiyyə” kampaniyasının abonentləri də bütün yeni Fakturasız Xətt abonentləri kimi 1000 kontur həcmində gecə balansı alıblar.