(R) Unicapital yeni brokerlik və diler lisenziyaları aldı

Unibankın törəmə şirkəti olan Unicapital ASC qiymətli kağızlar bazarında fəaliyyətini davam etdirmək üçün yeni broker və diler lisenziyaları alıb. Qiymətli Kağızlar üzrə Dövlət Komitəsinin 22 yanvar 2013-cü il tarixli, 128 (brokerlik fəaliyyəti) və 129 (diler fəzliyyəti) saylı lisenziyaları Unicapitala daha 5 il müddətində Azərbaycanın qiymətli kağızlar bazarında fəal iştirakçılardan olmağa imkan verir.

Son 10 il ərzində Unibank Azərbaycanın qiymətli kağızlar bazarının liderlərindən və əsas iştirakçılarından biridir. 2007-ci ildə müştərilərin sərmayə xidmətinin daha geniş xidmətlər spektri ilə təmin edilməsi üçün ixtisaslaşdırılmış törəmə şirkətin - “Unicapital” Açıq Səhmdar Cəmiyyətinin yaradılması haqqında qərar qəbul edildi. 2008-ci ilin əvvəlindən etibarən Unicapital şirkəti tərəfindən bütün broker və diler xidmətləri, müştərilərə Unibank tərəfindən yüksək peşəkar səviyyədə xidmət göstərilməsi ənənəsinə müvafiq olaraq həyata keçirilir. 2008-ci ilin yanvar ayından Unicapital Bakı Fond Birjasının təsisçilərindən biridir. Unicapital ASC öz müştərilərinə broker və anderrayter xidmətləri göstərir.

Əlavə məlumatı 498 22 44 nömrəli telefondan əldə edə bilərsiniz.