Avstraliya polisi Sidneydə yaşayan 85 yaşlı Kris Baqsaryanın oğurlanması və öldürülməsi işi üzrə 12-ci şübhəlini saxlayıb. İstintaq hesab edir ki, təqaüdçü təsadüfi qurban olub: cinayətkarlar ya səhv ünvana gəliblər, ya da hədəf seçdikləri şəxsi yanlış müəyyənləşdiriblər.
Lent.az xarici KİV-ə istinadla bildirir ki, oğurluq 2026-cı il fevralın 13-də səhər tezdən baş verib. Kişi Nort-Rayd ətrafındakı evindən zorla aparılıb. Yaxınlarının müraciətindən sonra polis axtarışlara başlayıb və qısa müddətdə müəyyən edib ki, təqaüdçü cinayətkarların əslində qaçırmaq istədiyi şəxs olmayıb.
Baqsaryanı sağ tapmaq mümkün olmayıb. Fevralın 24-də səhər saatlarında onun qalıqları Pitt-Taun rayonunda qolf meydançasının yaxınlığında aşkarlanıb. Kişinin hansı şəraitdə öldüyü və cinayəti təşkil edən şəxslərin motivləri hələ də araşdırılır.
Son saxlanılmadan əvvəl iş üzrə 11 nəfərə ittiham irəli sürülüb. Avqustun 11-də səhər saatlarında polis Letbric-Parkda 51 yaşlı qadını saxlayıb. O, Maunt-Druitt polis bölməsinə aparılıb və qətldən sonra cinayətin gizlədilməsinə kömək etməkdə ittiham olunub.
Qadının girov müqabilində azadlığa buraxılması rədd edilib. O, yerli məhkəmə qarşısına çıxarılacaq.
Yeni Cənubi Uels polisinin məlumatına görə, təqsirləndirilən şəxslərin hər birinin cinayətdə iştirak dərəcəsi istintaq və məhkəmə araşdırması zamanı müəyyənləşdiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
