Gülnarə Əliyeva “Miss universe-2010”a qatılmayacaq - EKSKLÜZİV

“Miss Azərbaycan-2010”un qalibi Gülnarə Əliyeva avqustun 23-də Las Veqasda keçiriləcək “Miss universe-2010” gözəllik yarışmasında Azərbaycanı təmsil etməyəcək.

Bunun səbəbləri barədə Lent.az-a danışan “Miss Azərbaycan-2010”un baş prodüseri Nazim Səmədov bildirib ki, hələ əvvəldən müsabiqənin qalibinin bu yarışmaya qatılmaq şansı əldə edəcəyi deyilsə də, bu, mümkün olmayıb. Səbəbi isə müsabiqənin noyabrda yox, avqustda keçirilməsi ilə bağlıdır: “Biz əvvəldən də demişdik ki, bu müsabiqə avqustda keçirilsə, ora getmək sual altında olacaq. “Miss Azərbaycan” may ayında başa çatıb. Bu bir neçə ayda “Miss universe” müsabiqəsinin lisenziyasını almaq mümkün olmadı. Noyabrda keçirilsəydi, bəlkə də mümkün olardı. Gələn il “Miss universe”də iştirak etmək üçünsə yanvar-fevral ayında rüsum ödəyib lisenziya almaq lazımdır”.

N. Səmədov onu da vurğulayıb ki, “Miss earth-2010” və “Miss international-2010” müsabiqələrinin lisenziyası artıq alınıb. əgər bütün təşkilati və maliyyə məsələləri həll olunarsa, Gülnarə Əliyeva “Miss earth-2010”a qatıla biləcək.

Xəyalə