“Oskar” azyaşlı oyunçunun başına bəla oldu

Möhkəm xəstələnən “Gecəqondudan olan milyonçu”un azyaşlı ulduzunu atası döyüb

8 nominasiyada “Oskar” mükafatına layiq görülən “Gecəqondudan olan milyonçu” filminin azyaşlı ulduzu Azharuddin İsmayıl bərk xəstələnib.

Lent.az-ın məlumatına görə, “Oskar”ın təqdimetmə mərasimində enerjili hərəkətləri ilə diqqət çəkən 10 yaşlı aktyorun hərarətinin 39,5 dərəcəyə yüksəldiyi, qida qəbul edə bilmədiyi, tez-tez qusduğu bildirilir.

Həkim nəzarətində saxlanılan İsmayılın vəziyyətinin getdikcə pisləşdiyi müşahidə olunur. Psixiatrlar azyaşlının psixoloji problemlər yaşadığını deyirlər.

Belə ki, filmdə oynayan azyaşlı aktyorlara az pul verilməsi onların ailəsi ilə prodüserlər arasında narazılığa səbəb olub. Bir neçə gün əvvəl məslə ilə bağlı İsmayılın media qarşısına çıxarılması planlaşdırılsa da, azyaşlı xəstə olduğunu deyərək, imtina edib. Atası mediaya açıqlama verməyən oğlunu döyüb.