Samir Piriyev türk müğənni ilə əl-ələ, qol-qola...

Lent.az-ın məlumatına görə, Samir Piriyevlə müsabiqədə dostluq əlaqələri yaradıb və məhz onun dəvəti ilə Bakıya gəlib.

Qonaq Samirin Bakıda "Affet qürurum" mahnısına çəkdirdiyi klip çəkilişində də iştirak edib.

Kənan M.M-in çəkdiyi klip Bakının müxtəlif görməli yerlərində lentə alınıb. Onur Akgül qonaq olmasına unudaraq, Samiri tək qoymayıb, gecə saatlarına qədər çəkiliş meydançasında olub: "Müsabiqəyə qatıldığımız gündən Samirlə bir-birimizə qardaş dedik. Və artıq iki ilə yaxındır ki, dostluğumuzu davam etdiririk. Mən hər zaman onun uğurlarına sevinirəm. Ona görə də təbii ki, Samirin yanında olmalıyam. Nə olsun ki, qonaq gəlmişəm? Özgə evində deyiləm axı? Qardaşımın yanındayam. Necə ki, Samir Türkiyəyə gəldiyində oteldə yox, mənim evimdə qalır, eləcədə mən bura gəldiyimdə onun qonağı oluram. Samir çox güclü bir səsə malik olan müğənnidir. Məncə nəinki Azərbaycan xalqı, bütün türk dünyası belə bir səsin sahibinə ən yüksək qiyməti artıqlamasıyla verməlidir".

Onur Akgül bir neçə gün qonaq olacaq və bir neçə televiziya verilişləri və tədbirlərdə Samirlə birgə çıxış edəcək.

Qeyd edək ki, mahnının sözləri rejissoru – klipmeyker Kənan M.M-ə (Mahmudov), musiqisi bəstəkar Kəmalə Qasımovaya aiddir. Klipdə baş rolu elə Samirin özü canlandıracaq. Müğənni sürpriz olsun deyə, süjet xəttini tam açıqlamaq istəməyib.

Lalə