Sami Yusifdən şok açıqlama: “Eurovisionda ermənilərə dəstək verdim”

Bu gün Türkiyədə konsert verməyə hazırlaşan Azərbaycan əsilli müğənni Sami Yusif jurnalistlərə açıqlamasında şok ifadələr işlədib. O, “ermənilərlə aramızda heç bir fərq yoxdur”, - deyərək, əlavə edib: “Eurovision”da Ermənistan təmsilçilərinin çıxışını azərbaycanlılardan çox bəyəndim”.
Konsert öncəsi “Yeni Şəfəq” qəzetinə danışan sənətçi “Azərbaycan əsilli biri olaraq özümü Türkiyədə evimdə hiss edirəm”- deyərək təəssüratlarını bölüşüb.
Ermənilərlə azərbaycanlılar arasında heç bir problem olmadığını, düşmənçiliyə siyasətin səbəb olduğunu ifadə edən Sami Yusif “Ermənistanda konsert verməyi düşünürəm. Məktəbdə erməni dostlarım da vardı. Heç bir fərqimiz yoxdur. İnsanları ayıran tək səbəb siyasətdir. “Eurovision” musiqi müsabiqəsini izlədim. Ermənilərin mahnsını Azərbaycanlı cütlükdən çox bəyəndim. Erməni bacılar ənənəvi idi, Azərbaycanlıların mahnsı ilə pop musiqi kimi idi”.
Lalə Yusifqızı