Müğənnilərin yeni mövsüm hazırlıqları - SORĞU

Yay istirahətini və müqəddəs Ramazan ayını geridə qoyan müğənnilər artıq el şənliklərinə və xüsusi layihələrə hazırdır. Lent.az müğənnilərin yeni mövsümdə görəcəyi işlər və planlarla maraqlanıb, kiçik sorğu keçirib.

Xalq artisti Nisə Qasımova özünün yenicə açdığı studiyada musiqi hazırlıqlarını davam etdirir.

Müğənni Elnurun başı serial çəkilişlərinə və böyük bir musiqi layihəsinə qarışıb.

Aygün Kazımova yenidən ekranlara qayıdıb və televiziya layihəsini həyata keçirir.

Müğənni Elnarə yaxın müddətdə dünyaya uşaq gətirəcəyinə baxmayaraq, yeni mövsümdə həfətə içi beş gün proqram aparmağı davam etdirəcək.

Xalq artisti Alim Qasımov həmişə olduğu kimi, bu mövsüm də konsert proqramları və qastrollara hazırlaşır.

Müğənni Röya Ayxan yeni mövsümü 6 günlük konsert proqamı ilə açır.

Samir Piriyev yeni mövsümdə uzun zamandan bəri hazırlıqlarını davam edən yeni albomunu buraxdıracaq.

Müğənni Zamiq yeni mövsümün başlanğıcında tamaşaçılara konsert verib. Yeni albomunu təqdim edən müğənni ilboyu yeni albomunu təbliğ edəcək, kliplər çəkdirəcək.

Gənc müğənni Arzum əyalətlərdə qastrol proqramı ilə çıxış edəcək.

İradə İbrahimova isə Türkiyədə işləməsinə bağlı yaradıcılıq işlərini Azərbaycanda davam etdirəcək.

Xalq artisti Zülfiyyə Xanbabayeva yeni albomunu təqdim edəcək, konsert proqramı ilə çıxış edəcək.

Xalq artisti Brilliant Dadaşova yeni albomunun hazırlıqlarını davam etdirəcək.

Tünzalə Ağayeva bu il “Ölkəm” layihəsini ilin sonuna qədər lentə almağa hazırlaşır. 2010-cu ildə müğənni yeni albomunu təqdim edəcək.

Lalə Yusifqızı