10 yaş cavanlaşmaq üçün 10 milyon ödədi – Ebru Gündeşin yeni görünüşü

Türkiyəli müğənni Ebru Gündeş yeni görünüşü ilə gündəmə gəlib.

Lent.az Türkiyə KİV-nə istinadla xəbər verir ki, üzgərdirmə əməliyyatı etdirən sənətçi sosial şəbəkə hesabında yeni fotosunu paylaşaraq izləyicilərinin qarşısına çıxıb. Gündeşin üzündəki dəyişiklik diqqətdən yayınmayıb və maraqla qarşılanıb.

Müğənni paylaşımına "Hiss edirəm, çox gözəl şeylər olacaq", sözlərini əlavə edib.

Daha əvvəl Ebru Gündeşin üzgərdirmə əməliyyatı üçün 10 milyon Türkiyə lirəsi ödədiyi iddia olunmuşdu. Müğənni sonradan səhnədə əməliyyat keçirdiyini özü də təsdiqləyib.

"Üzgərdirmə əməliyyatı etdirdim. Sizin üçün etdirdim. Necədir, 10 yaş cavanlaşmışam?" – Gündeş zarafatla bildirib.