Elnur meyxanaçı qardaşlarla oxudu

Müğənni Elnur Məmmədov “Tı kto takoy, davay dosvidaniya” meyxanasının müəllifləri İntiqam və Etibar Rüstəmov qardaşları ilə yeni mahnı yazdırıb. Müğənni bu barədə Lent.az-a deyib ki, mahnı “Rəna” adlanır: “Meyxanaçı qardaşlarla yeni duet yazdırmışıq. Bu mahnını klip hazır olduqdan sonra təqdim etməyi düşünürdüm. Amma pərəstişkarlarım istədi deyə, “Youtube” da yerləşdirdim. Klip yaxınlarda hazır olacaq. Burada meyxanaçı qardaşlar fərqli üslubda olacaqlar. Tamaşaçılar onları hələ belə görməyiblər. Tərz də fərqli, elə iş də”.