Rəqsanə: “Mayda Bakıya gələcəyəm”

Müğənni Rəqsanə İsmayılova mətbuat nümayəndələrinə müraciət edib. Sənətçi Lent.az-a göndərdiyi məktubda normal həyatına davam etdiyini bildirib: “Barəmdə yazılan növbəti xəbərdə axtarışa veriləcəyim yenidən gündəmə gətirilib. Bunun hansı fakta söykəndiyini bilmirəm. Amma mətbuat işçilərindən ricam budur ki, barəmdə bu və ya digər xəbəri dəlili olmadan yazmasınlar. Hər gün insanlarla görüşürəm, efirə qoşuluram, mətbuat nümayəndələri, sosial şəbəkədəki insanlarla ünsiyyətdəyəm. Yəni normal həyatıma davam edirəm. Azayev qardaşları ilə olan mənim problemimlə bağlı istintaq davam edir. Hər iki tərəfin gedişat barədə danışmağa ixtiyarı yoxdur. Mayda Bakıya gələcəyəm və istintaqı aparan şəxslərlə görüşəcəyəm. Məsləhət olarsa, bu barədə açıqlama verəcəyəm. Barəmdə sübutu olmayan xəbərlərin yazılmasının əleyhinəyəm”.