“Miss Universe 2026” gözəllik müsabiqəsində Türkiyəni təmsil etməsi gözlənilən Alara Eriçin yarışmada iştirakı son anda ləğv edilib. Model xəbəri səfərə çıxacağı gün öyrəndiyini açıqlayıb.
Lent.az xəbər verir ki, bu barədə “Habertürk” məlumat yayıb.
Futbolçu Salih Uçanın sevgilisi olan Eriç ötən il “Miss Charm” yarışmasında da Türkiyəni təmsil edib. Model sosial şəbəkədə yayımladığı videoda beynəlxalq yarışmaya qatılmaq üçün uzun müddət hazırlaşdığını bildirib.
Onun sözlərinə görə, bu məqsədlə təhsilini və işlərini ikinci plana keçirib. Eriç əvvəlki beynəlxalq yarışmada da ölkəsini şəxsi imkanları hesabına təmsil etdiyini, ona verilmiş bəzi vədlərin yerinə yetirilmədiyini iddia edib.
Müsabiqənin Türkiyə üzrə təşkilatçıları da iştirakın ləğvi ilə bağlı açıqlama yayıblar. Model isə başına gələnləri gələcəkdə oxşar yarışmalara qatılmaq istəyən qızların məlumatlı olması üçün ictimailəşdirdiyini bildirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
