Səbinə Babayevanın ailəsində problemlər var?

Eurovision-2012” Mahnı Müsabiqəsində Azərbaycanı təmsil edən Səbinə Babayeva rejissor Cavidan Şərifovla ailə qurduqdan sonra aralarında anlaşmazlıqların yaşandığı barədə şayiələr səngimək bilmir. Buna səbəb kimi müğənnin evdarlıq işini yetəri qədər bilməməyi göstərilir. Lent.az-a açıqlama verən Səbinə haqqında danışılanların əsassız olduğunu deyib: “Bunlar şayiədən başqa bir şey deyil. Sadəcə müsahibələrimin birində söyləmişdim ki, yoldaşım mənim bişirdiyim yeməkləri bəyənmir. Ancaq bu fikrim söz-söhbətə səbəb oldu. Mən o sözü zarafata demişdim. O, bişirdiyim bütün yeməkləri çox sevir. Onunla çox xoşbəxtəm. Kim ki, söyləyir sənət başqa, ailə başqa, yanılır. Bəli, bu çətindir, amma mümkündür”.