Dünyanın  ən dağıdıcı   tornadosu:  80 min insan evsiz qalıb
18 aprel 2024 16:19 (UTC +04:00)

Dünyanın ən dağıdıcı tornadosu: 80 min insan evsiz qalıb

Çox vaxt ABŞ sakinləri tornado kimi bir hadisə ilə qarşılaşırlar. Ən ölümcül hava burulğanının burada deyil, planetin o biri tərəfində baş verməsi daha təəccüblüdür.

Lent.az xarici KİV-ə istinadən xəbər verir ki, faciə 1989-cu il aprelin 26-da Banqladeşin Manikqanc rayonlarında güclü tornado zamanı baş verib.

Küləyin sürəti 181-350 km/saata çatıb. Dağıntı zolağının eni 1,5 km, uzunluğu isə 80 km olub. Tornado ən çox Daulatpur və Saturiya şəhərlərinə ziyan vurub. Ölənlərin sayı ilə bağlı böyük qeyri-müəyyənlik var, lakin bunun 1300-ə yaxın insanın ölümünə və 12.000 nəfərin yaralanmasına səbəb olduğu güman edilir.

Tornadonun yolundakı bütün binalar dağılıb, 80 min insan evsiz qalıb. Bu “göstəricilər” 1989-cu ildə Banqladeşdə baş vermiş tornadonu qeydə alınmış tarixdə ən ölümcül hadisə etdi.

# 2181
avatar

Fidan İlqar

Oxşar yazılar