İnşaatçılar yola asfalt əvəzinə xalça döşəyirlər

Hindistanda inşaatçılar yola asfalt əvəzinə xalça döşəyiblər. Kətanın daha inandırıcı görünməsi üçün yuxarıdan asfalt çipləri ilə örtülüb.

Lent.az-ın xarici mediaya istinadla xəbərinə görə, yerli sakinlər uzun müddətdir ki, rəsmilərdən onilliklər ərzində bərbad vəziyyətdə olan yolları təmir etməyi xahiş ediblər. Uzun müddətdir ki, bu məsələ ilə heç kim məşğul olmayıb, lakin ötən ay yol işlərinə başlanılıb.

Lakin yerli sakinlərin sevinci çox çəkməyib. Tezliklə bəlli olub ki, inşaatçılar yolu ancaq xalça ilə örtüb, üstünə asfalt qırıntıları töküblər. Təmiri həyata keçirən şirkət yolun tikintisində “ən son alman texnologiyasından” istifadə edildiyini iddia edib.

İndi insanlar işi görən məsul şəxsləri məsuliyyətə cəlb etməyə çalışır və yolun yenidən düzəldiləcəyinə ümid edirlər.